आईची आठवण
तुझी आठवण जातच नाही आई मनातून माझ्या |
किती तरी गोड त्या स्मृति, तुझ्या संगती, सदा राहतील ताज्या ||
घर भरलेले, मन भरलेले, आनंदाने गजबजलेले,
तू होतीस जेव्हा आई ।
आनंदाचे, अन दुःखाचे , सगळच बोलत होतो
तु होतीस जेव्हा आई ।
आता कुणाशीच नाही बोलणे, सारी कोंडले मी,हृदयात माझ्या ||
ते घर आता, उरले केवळ ,चार भिंती छपराचे असणे
ते गावही आता, वाटे परके, जिथे नाही तुझे बोलणे चालणे ।
जिथे त्रस्त मनाला, मिळेल विसावा ,अशी उरलीच नाही
या जगी कुठलीच जागा||
सुहास सदाशिव सांबरे
30.09.2020
Comments
Post a Comment